శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

581)శమః -

అరిషడ్వర్గములు తొలగించువాడు 

శాంతమునే ఒసగునట్టివాడు 

క్రోధమును అణిచివేయువాడు 

శమమును స్థిరముగా నుంచువాడు 

శ్రీవిష్ణు సహస్రనామాలు ఉమా!

582)శాంతి -

శాంతి స్వరూపమున్నట్టివాడు 

శమమును కలిగించుచున్నవాడు 

సాధుత్వము ప్రసాదించగలవాడు 

శాంతినీయగలిగినట్టి వాడు 

శ్రీ విష్ణు సహస్రనామాలు ఉమా!

583)నిష్ఠా -

ప్రళయంలో ప్రత్యక్షమగువాడు 

తుదియందుతోడున్నట్టి వాడు 

వేడికోలుకు స్పందించినవాడు 

ఉనికిని ప్రసాదించగల వాడు 

శ్రీ విష్ణు సహస్రనామాలు ఉమా!

584)శాంతి -

శాంతి ప్రదాతగానున్నవాడు 

కలవరములు తొలగించువాడు 

కామక్రోధరాహిత్యమిచ్చువాడు 

ప్రశాంతతనొసగుచున్న వాడు 

శ్రీ విష్ణు సహస్రనామాలు ఉమా!

585)పరాయణమ్ -

పరమోన్నతమైనట్టి వాడు

 అత్యుత్తమ స్థానమందున్నవాడు 

గొప్ప ఆసక్తియున్నట్టివాడు 

భక్తి పరాయణతను తీర్చువాడు 

శ్రీవిష్ణు సహస్రనామాలు ఉమా!

(సశేషం )