వచ్చేప్పుడు ఒక్కడే కాదు
కాదు ఒంటరి
అమ్మ వేదన తోడు
బతుకు
ముళ్లూ పూలైన పయనం
ప్రవాహ నది తీరం చేరే
అలలు కొన్నే చేరనివెన్నో మరి
ఆశల ముంపులో తేలి నిలువడం
సామాజిక రుగ్మతల దాటి గెలువడం
కత్తిమీద సామైన ఓ సాహసక్రీడ
వెళ్లే వేళ ఏకాకి కాదు మనిషి
తోడు రాలేని ఆలోచనే చేదోడు
బతికేదే జీవనది మౌనం
తెరచాప వదిలిన నావ పయనం
దేహం మనసూ రెండూ
కావ్యాలైన గద్యపద్య పదాలు
మనిషి
జీవచ్ఛవం విగత జీవి గతం
ఆకారం లేని విశాల గగనం ఆశ్వాసాలుగా పుటల్లో విప్పారేది
బతికిన కవనం రాలిన పూలవనం నడుమ
ఓ కల్పన కథ మరో జీవన కైత
addComments
కామెంట్ను పోస్ట్ చేయండి