శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

746)చలః -

సదా చలించుచున్నట్టి వాడు 

స్థానములు మారుతున్నట్టి వాడు 

విశ్వమంతయు నిలువగలవాడు 

సర్వలోకాలకు వెళ్ళగలవాడు 

శ్రీ విష్ణు సహస్రనామాలు ఉమా!

747)అమానీ -

నిగర్వియై చరించుచున్నవాడు 

నిరాహoకారముతో నున్నవాడు 

అభిమానం వదులుకున్నవాడు 

నిమిత్తమాత్రునిగా నున్నవాడు 

శ్రీవిష్ణు సహస్రనామాలు ఉమా!

748)మానదః -

భక్తులకు గౌరవమిచ్చువాడు 

తనవారికి మన్ననలిచ్చువాడు 

మర్యాద అందించినవాడు 

మాననీయుడై యున్నట్టివాడు 

శ్రీవిష్ణు సహస్రనామాలు ఉమా

749)మాన్యః -

పూజింపదగిన దివ్యతున్నవాడు 

మాన్యుడయి మహిమలున్నవాడు 

భక్తుల మన్ననలు పొందినవాడు 

గౌరవం పొందుచున్నట్టి వాడు 

శ్రీ విష్ణు సహస్రనామాలు ఉమా!

750)లోకస్వామీ -

పదునాల్గు భువనములవాడు 

లోకములకు స్వామియైనవాడు 

విశ్వమంతటికి నాథుడైనవాడు 

లోకస్వామిగా వెలసినవాడు 

శ్రీవిష్ణు సహస్రనామాలు ఉమా!

(సశేషం )