641)అమిత విక్రమః -
విశేష పరాక్రమమున్నవాడు
విజేతగానే నిలిచినవాడు
అమిత విక్రమ నామధేయుడు
భక్తులకు అభయమిచ్చువాడు శ్రీవిష్ణు సహస్రనామాలు ఉమా!
642)కాలనేమి నిహా-
కాలనేమిని సంహరించినవాడు
అసురగణముల నణుచువాడు
తామసుల నంగీకరించనివాడు
దైత్యతత్వం తొలగించువాడు
శ్రీవిష్ణు సహస్రనామాలు ఉమా!
643)వీరః -
వీరత్వమును కలిగినవాడు
సదా విజయమందుచున్న వాడు
వైరులను నశింపజేయువాడు
క్షత్రియతత్వమున్నట్టి వాడు
శ్రీ విష్ణు సహస్రనామాలు ఉమా!
644)శౌరీః -
శూరవంశమున పుట్టినవాడు
శౌర్యమును ప్రదర్శించువాడు
శౌరి నామముగలిగినవాడు
సన్నిథిలో నిర్భయమునిచ్చువాడు
శ్రీ విష్ణు సహస్రనామాలు ఉమా!
645)శూర జనేశ్వరః -
శూరులకు ప్రభువైయున్నవాడు
వీరత్వమును కలిగినవాడు
సమూహమంతటిలో వీరుడు
ధీరజనులకు సర్వేశ్వరుడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి