శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

786)ఇంద్రకర్మా -

ఇంద్రునివలే కార్యపురుషుడు 

శుభములు చేయుచున్నవాడు 

దేవకార్యముల మూలమైనవాడు 

ఇంద్రసామర్థ్యం గలిగినవాడు 

శ్రీ విష్ణు సహస్రనామాలు ఉమా!

787)మహాకర్మా -

గొప్పపనులను చేయుచున్నవాడు 

ఘన కృత్యాలను చేయువాడు 

మంచికర్మాచరణ యున్నవాడు 

మహాకర్మ నామమున్నవాడు 

శ్రీవిష్ణు సహస్రనామాలు ఉమా!

788)కృతకర్మా -

ఆచరణ యోగ్యతగలవాడు 

కార్యాచరణ సమర్థతున్న వాడు 

కృతకృత్యుడై యుండినవాడు 

కర్మను అనుసరించినవాడు 

శ్రీవిష్ణు సహస్రనామాలు ఉమా!

789)కృతాగమః -

వేదములను అందించువాడు 

యజ్ఞంలో యేతెoచినవాడు 

కృతాగముడైనట్టి వాడు 

కార్యక్రమము నడుపువాడు 

శ్రీ విష్ణు సహస్రనామాలు ఉమా!

790)ఉద్భవః -

ఉత్కృష్టమైన జన్మగలవాడు 

చక్కని పుట్టుకయున్నట్టివాడు 

దివ్యముగా ఉద్భవించినవాడు 

కారణజన్ముడు అయినవాడు 

శ్రీవిష్ణు సహస్రనామాలు ఉమా!

(సశేషం )