అమ్మ ఆవు ఇల్లు ఈగ
మా బడి చదువులు ఆనాడు
A ఫర్ ఏపిల్ B ఫర్ బాల్
కాన్వెంట్ చదువులు ఈనాడు
అమ్మ, అత్త, నాన్న , మామ
పిలుపులో ప్రేమ ఆనాడు
మమ్మీ,డాడి,అంకుల్, ఆంటీ
కృతకపు పిలుపులు ఈనాడు
చిడత - బిళ్ల ... ఏడు పిక్కలు
పదుగురితో ఆటలు ఆనాడు
సెల్ ఫోన్ లో ఒంటరిగా...
ఆడే ఆటలు ఈనాడు...!
అరిసెలు, బూరెలు , జంతికలు
ఇంటి వంటలు ఆనాడు
పిజ్జా , బర్గర్ , నూడిల్సు
హోటళ్ల తిల్లు ఈనాడు...!
చదువుకుతగ్గ సంస్కారముతో
వినయ, విధేయత లానాడు
గొప్ప చదువులు చదివిన గానీ
నిర్లక్ష్యపు ధోరను లీనాడు...!!
ఈనవీనవిద్యా విధానము కన్న
మనసనాతన పద్దతులేమిన్న
ఆ విద్య వలననే వినయము
గౌరవ మర్యాదలు పెరుగును
మన మాతృభాషను, మన
చదువులను గౌరవించుదాము
ప్రపంచంలో మనగొప్పతనాన్ని
ఎలుగెత్తి మనం చాటుదము !!
*******
addComments
కామెంట్‌ను పోస్ట్ చేయండి