951) ధాతా-
విశ్వ ఆధారభూతుడై యున్నవాడు
సూర్యునివంటి ప్రయోజకుడు
విశ్వమును ధరించినట్టి వాడు
లోకరక్షణము చేయుచున్నవాడు
శ్రీవిష్ణు సహస్రనామాలు ఉమా!
952)పుష్టహాసః -
మొగ్గలవలే వికసించువాడు
పుష్పరూపంలో విచ్చుకొనువాడు
ప్రపంచకుసుమము అయినవాడు
పుష్టహాస నామధేయమున్నవాడు
శ్రీ విష్ణుసహస్ర నామాలు ఉమా!
953)ప్రజాగరః -
సదా మేల్కొనియుండినవాడు
జాగరూకతతో మెలగువాడు
ప్రజాగరుడయి యున్నట్టివాడు
అప్రమత్తమై మెలుగుచున్నవాడు
శ్రీ విష్ణు సహస్ర నామాలు ఉమా!
954)ఊర్థ్వ గః -
సర్వులకన్ననూ పైనుండినవాడు
పీఠంనందు ఆశీనుడైనవాడు
అగ్రస్థానము నందినట్టి వాడు
సర్వోత్తమ స్థాయిలోనున్నవాడు
శ్రీవిష్ణు సహస్రనామాలు ఉమా!
955)సత్పథాచారః -
సత్పురుషులననుసరించువాడు
సదాచార పరాయణుడైనవాడు
సన్మార్గంలో నడుచుకొనువాడు
సత్పథంలో చరించుచున్నవాడు
శ్రీ విష్ణు సహస్ర నామాలు ఉమా!
addComments
కామెంట్ను పోస్ట్ చేయండి