తీపి తెలుగు పదాలు;- -గద్వాల సోమన్న,9966414580

 మేలు కాదు అల్ప బుద్ధి

చేసుకొమ్ము హృదయ శుద్ధి

దిద్దుకున్న జీవితాన

ఉండునోయి మిగుల వృద్ధి

మంచితనం మేలు మేలు

కలిగియున్న చాలు చాలు

క్షమాగుణం బహు గొప్పది

లాభాలే వేనవేలు

చెడ్డ బుద్ధి హానికరం

దొడ్డ బుద్ధి దైవ వరం

కలసిమెలసి ఉంటేనే

సృష్టిలోన మనోహరం

గుండెలోని చింత ముప్పు

తగలబెట్టు  చింత నిప్పు

ఆదిలోన వదిలేస్తే

సదా అదే కదా ఒప్పు

ఇంటిలోన వెలుగు తల్లి

ప్రేమలోన కల్పవల్లి

సేవలోన త్యాగమూర్తి 

గుబాళించే సిరిమల్లి

ఫలములిచ్చు మహిని తరువు

జ్ఞానమిచ్చు మనకు గురువు

పుస్తకాల పఠనంతో

ఎన్నెన్నో మేళ్ళు కలవు