మన ఎ యస్ రావు;- గుండ్లపల్లి రాజేంద్రప్రసాద్, భాగ్యనగరం

మహానుభావుడు

నిరాడంబరుడు

ఈ సి ఐ ఎల్ స్థాపకుడు

ఎ యస్ రావు నామధేయుడు                ||మహా||

దేశాన్ని ప్రేమించాడు

ధైర్యాన్ని చూపించాడు

విశ్వాసంతో పనిజేశాడు

లక్ష్యాలను సాధించాడు                    ||మహా||

వ్యూహాత్మకుడు

దూరదృష్టికలవాడు

పట్టుదలకలవాడు

జాతికంకితమైనవాడు                     ||మహా||

నైపుణ్యం చూపాడు

పెక్కురికి శిక్షణనిచ్చాడు

పలు ఉత్పత్తులనుచేయించాడు

బహుమేలు దేశానికిచేశాడు                ||మహా||

సాంకేతికరంగ మార్గదర్శకుడు

డిజిటల్ కంప్యూటర్ మొదటచేయించాడు

సాలిడ్ స్టేట్ టీవి ప్రవేశపెట్టాడు

ఎర్త్ స్టేషన్ యాంటీనాకు ఆద్యుడు          ||మహా||

ఈ సి ఐ ఎల్ కు పేరు తెచ్చాడు

వేల ఉద్యోగాలను సృష్టించాడు

విదేశదిగుమతులు తగ్గించాడు

ఆర్ధికవ్యవస్థను సుస్థిరపరిచాడు            ||మహా||

విదేశమోజు లేనివాడు

సంపాదనధ్యాస లేనివాడు

భారతమాత ముద్దుబిడ్డడు

జాతికి గర్వకారకుడు                  ||మహా||              

========================================

(అక్టోబర్ 31 వ తేది డాక్టర్ ఏ యస్ రావు వర్ధంతి సందర్భంగా వ్రాసిన గేయం)