జీవన్ముక్తి గీతమై గొంతెత్తనా!?:- అంకాల సోమయ్య-దేవరుప్పుల-జనగామ-9640748497

 మనస్సంతా దుఃఖాతిశయమై 
ఏకధాటిగా కన్నీరు వర్షిస్తుంటే
బ్రతుకున ఆటుపోట్లు తప్ప
ఆనందమే లేకుంటే
జీవితాన్ని ఏంచదవను
నిత్యం తడిసిన జీవనముఖపత్రమై
తడితడిగా తగులుతుంటే
ఏదరి దాపులేక
గాలివాటౌతున్న
బ్రతుకును ...
ఎటునుండివచ్చెనో మాయావి సుడిగాలి
చుట్టూముట్టినలిపేస్తుంటే
పంచభూతాలకు నాపై కాసింత దయలేదని మరింత శోకం
శ్లోకమై
నినదిస్తుంటే
నేను బోయనా కాదు కాదు
ఇంటింటి రామాయణం వ్రాయనా!?
దుఃఖగీతమే పాడనా!?
జీవన్ముక్తి గీతమై
గొంతెత్తనా---!?