అవసరమా....?! :-కోరాడ నరసింహా రావు.

 సృష్టిని గావించి... 

   స్థిరముగా నుంచి.... 

     లయమొనరించు..... 

      ఆ మూడుశక్తులకునూ

         మూలమౌ శక్తి... 

         మరుగున యున్నది! 

   ఆ యేక శక్తియే... 

        అనేకమై...సృష్టిగా... 

      స్థిరముగా కొంత దనుక యుండి... 

         స్థితి యనిపించుక... 

        కాల మాసన్నమై ఒకటిగా ఐక్యమై.... 

      లయ మనిపించుకొనె! 

ఈ మూడింటి

  ఆ మూల శక్తి నే.... 

     బ్రహ్మ యని నీవు.... 

      సైన్సు అని వాడు.... 

     వాదించు కొనుటేల!? 

ఎవడి అభిమతము... 

 వాడి మతమైచెలగగా... 

   ఆది పత్యపు హింస... 

    అవసరమ ప్రజలకు?! 

         *****