అసాధ్యం!!:- -గద్వాల సోమన్న,ఎమ్మిగనూరు
సాగరాన్ని తోడి తోడి
విజ్ఞానం పంచి పంచి
ఖాళీ చేయగలమా!
ఎవరికైనా సాధ్యమా!

అరచేతిని అడ్డుపెట్టి
సూర్యుణ్ణి ఆపగలమా!
భగవంతుని మభ్యపెట్టి
క్షణమైనా మనగలమా!

కన్నవారి త్యాగాన్ని
గురుదేవుల జ్ఞానాన్ని
కాసింత కొలవగలమా!
ఇల లెక్కగట్ట గలమా!

సదనంలో పెద్దలను
గగనంలో తారలను
చూసి నేర్చుకోవలెను!
పరిహాసం మానవలెను!

సృష్టిలోన ఎన్నెన్నో
మనం లెక్కించ లేనివి
మానవ మేధస్సుకు
కడు అంతుపట్ట లేనివి


కామెంట్‌లు