నృత్యం.: - డా పివిఎల్ సుబ్బారావు,-9441058797.

ఏప్రిల్ 29 అంతర్జాతీయ 

      నృత్య దినోత్సవం

        శుభాకాంక్షలు.

----------------------------------

బతుకు ఎడతెరిపిగా,

 సాగే నృత్యం! 

ఒక్కసారే ఆగుతుందిగా ,

అదే సత్యం!

భావ, రాగ ,తాళ,

 సంగమం భరతనాట్యం! 

భరతముని విరచితం,,

 జగత్ ప్రసిద్ధం!

ఆది దంపతుల నర్తనం ,

జగానికే ఆనంద కారణం! 

నంది నర్తనం గజాసుర ,

సంహార సాధనం! 

జగన్మోహిని మోహభరిత, అడుగులే భస్మాసుర అంతం! 

మన సంస్కృతి, సాంప్రదాయాల మనుగడ,

శాస్త్రీయ నృత్యం!

మానసిక అలసట ,

మరిపించే నృత్య వీక్షణం! 

నేటి కాలానికి ప్రతి,

 ఒక్కరికి ఆనంద పోషణం! 

కలలాంటి జీవితానికి,

  కళ తెస్తుంది కళ!

కళ చూసే,చూపే, కళ్ళే కళ్ళు, 

ఆనందాల లోగిళ్ళు!

_________