శాంతి సహనం మన రెండు కళ్ళు : - అంకాల సోమయ్య -దేవరుప్పుల -జనగామ -9640748497

 మారణాయుధాలకు
మానవత్వమెక్కడిది
ఉండవలసింది
ఆయుధం ఉపయోగించే వాడికే గదా
ఉన్మాదమే పాఠంగా వల్లెవేయువాడు 
మందుపాతరలాంటోడు 
ఎప్పుడూ ఎక్కడా పేలుస్తాడో
అది
ఊహకందనిది 
ఇక్కడ ఇంటి దొంగను ఈశ్వరుడు పట్టలేడనట్టు 
శత్రువు మనలో ఒకడిని ఏమార్చొచ్చు 
ఇప్పుడు 
అందరూ నష్టం జరిగాక
నఖశిఖపర్యంతం
దర్యాప్తుజరిపేవారే
ముందే మేల్కొంటే
ఈ దుర్ఘటనకు ఆస్కారముండేదా!అని
తప్పు ఎవరినీ పట్టలేము 
శత్రువు తన వ్యూహాన్ని ఎప్పుడూ ఎలా మారుస్తాడో 
ఒక్కోసారి ఎంతగా ఆలోచించిన
మన ఊహకందనిదవుతుంది
అప్రమత్తంగా ఉందాం 
అరాచక శక్తుల ఆటకట్టిద్దాం
మనదేశానికిశాంతి, సహనం రెండు కళ్ళని చాటుదాం 
ఆనక ఎదురుతిరిగితే
మన సత్తాచూపుదాం
ముష్కరులను తుదముట్టిద్దాం