అమ్మే నా( మన)చిరునామా :- అంకాల సోమయ్య-దేవరుప్పుల-జనగామ-9640748497

మా అమ్మంటే 

నాకెందుకిష్టమంటే

నేను నవ్వితే నవ్వింది 

నేనేడ్చితే విలవిలలాడింది

నాకోసం తానెన్నో

 బాధలనుభవించింది

తానేన్నో నిద్రలేని రాత్రులు గడిపింది 

ఇప్పుడు నేనెంత గొప్పడినైనా

నన్ను చిన్నా

అని పిలుస్తుంది

నేను మా అమ్మ ఉన్నంతవరకే గదా

నా పసితనం గుర్తుకొచ్చేది

నాకు గుర్తు చేసేది 

నా పిల్లలు ముందు కూడా 

నేను నా పిల్లలు తింటే చాలను కుంటాను

మా అమ్మ నా కొడుకును తిననివ్వండి అని 

నా పిల్లలను గట్టిగా మందలిస్తుంది

మా అమ్మ ఇప్పుడు 

ఏమి మాట్లాడలేని 

నిస్సహాయురాలిగా

నిస్తేజంగా.. 

అమాయకంగా నా వంకే చూస్తుంది.

మా అమ్మను  ఇప్పుడు 

నేను అపురూపంగా చూసుకోవాలసిన పసిపాప మా అమ్మ

నా బాల్యం మా అమ్మ వార్ధక్యంలో 

చూస్తున్నా

ఎందుకంటే వృద్ధాప్యం అంటే ఎవరికైనా రెండవబాల్యమేకదా

అమ్మ ఇచ్చినదిజన్మ

అమ్మ ఇచ్చిందే ఈ హోదా

అమ్మ పంచినవే కదా 

నా ఈ రక్తమాంసములు

అమ్మే నా చిరునామా 

అమ్మే నా ఆనందం 

అమ్మే నా మేరునగం

అమ్మే నా (మా) సర్వస్వం