* విశ్వ మాన వీయత *:- కోరాడ నరసింహా రావు

నేను.. నేను... నేనే....
నాది.. నాది... నాదే....

మన భాష..మానప్రాంతం...
మనదేశం..మనము, మనది....!

ఎల్లలు చెరిపేసి ...పరిధులు దాటేసి...సంకుచితత్వాన్ని చించేసి...
విశాల దృక్పథంతో...
ఈ విశ్వమంతా ఒక ఇల్లుగా....
ప్రపంచ జనులంతా ఓ కుటుంబం గా...చూడగలిగిన
ఓ సమతా మూర్తీ...!
నీవు కదా విశ్వ కవివి ...
విశ్వకవివి నీవే కదా...!

కవిత్వానికి... సాహిత్యానికీ చక్కని నిర్వచనం నీ భావనా జగతి..!
జన, గణ, మన జాతీయ గీత సృష్టి కర్తా...
కవిలోక కీర్తి కిరీటి...
ఓ కవీంద్రా ... రవీంద్రా!
నీ కివే నా హృదయ పూర్వక పాదాభి వందనములు
💐🙏🌷🙏🎷🎺🎻🎼...