- ఈ పల్లెటూరి పిల్లనై..;- గాయత్రీభాస్కర్ -విశాఖపట్నం

సాహితీ కవి కళాపీఠం 

సాహితీ కెరటాలు 

=============

నిండు పున్నమి వేళ సరిగంచు సవరించే తెల్లచీర!

ఈ పల్లెటూరి పిల్లనై సరదాగా పరుగులెట్టె గోదారి తరగలా!

మనసునెరిగిన మమతలోన మునకలేసే బంధమై అల్లుకోనా!

ఆ నింగిలోని తారకలా మెరిసిపోతూ కనిపించేనా!

అలా కన్నె గోదారినై పరవళ్లు తొక్కుతూ కదిలే వేళ!

ఆనంద సాగరంలో కలిసి తిరిగే సుడినైపోనా!

బంధమై మిగిలిపోయి ప్రేమగా బంధీనైపోనా!?

ఈ ఆశా పాశమై నిన్ను అలరించేనా!?

నీతో చిన్నపిల్లనై అల్లరిగా ఆడుకోనా..!?

నిశిలో ఉదయించే కిరణమై విరాజిల్లనా!?

ఏమైపోయినా ఈ మల్లెల వానలో ఇలా..

ఏం జరిగినా ఈ తెల్లని చీరలో అలా..

ఎలాగైనా ఈ పల్లెటూరు గాలినై వీస్తూ.. 

ఈ మమతానురాగాల నడుమ 

మమతానుబంధమై నింగిలోని తారకలా..

ఉండిపోతున్నా నీ జీవిత భాగస్వామినై...!