ఎన్నిక ‌!!!:- డా ప్రతాప్ కౌటిళ్యా

నీకన్నా-నా కన్నా-మనకన్నా 

మెరుగైన వారి కోసమే 

ప్రపంచం ఎదురుచూస్తుంది.!!?

మెరుగైన వ్యక్తులు దొరికితే 

ఈ ప్రపంచం మనల్ని వదిలేస్తుంది.!!?

ఈ చూపు ఈ వినికిడి ఈ ఉనికి

ఈ ఊపిరి ఈ నడక ఈ పని 

మెరుగైన శరీరం కోసమే వేచి ఉంది 

అది దొరికితే మనల్ని వదిలేస్తుంది.!!?

ఇప్పుడు 

పేదరికం అంటే- సాధారణం-!!

సంపద అంటే-అసాధారణం - అని అర్థం!!

సాధారణము అంతా 

అదృశ్యమైపోతుంది. 

చివరికి అసాధారణమే మిగులుతుంది.!!

ఇంతకుముందు 

మెరుగైన దాన్ని ఎన్నుకునేది 

ప్రకృతి 

ఇప్పుడు 

మనిషి మెరుగైన దాన్ని 

ఎన్నుకుంటున్నాడు.!!

ఎన్నిక - మెరుగైన దానికోసమే అయినప్పుడు 

మనమెందుకు ఇక్కడ!!?

అంతర్జాతీయ కార్మిక దినోత్సవాన్ని పురస్కరించుకుని. 

డా ప్రతాప్ కౌటిళ్యా.