దేవునికి మనిషి వేసే ప్రశ్న:- పైడి రాజ్యలక్ష్మి

 భగవంతుడివైన నీవు
సర్వత్రా నిండిఉండి
సర్వం నీవేఅయి…
ఈ సృష్టి చిత్రాలను నడిపి
పాపపుణ్యాలను మాకు
కట్టబెడతావు కదా?
ఏమయ్యా…!
వీటిని నీవు మార్చవచ్చు కదా
మనిషిని మనీషిగా మలచవచ్చు కదా…
అని ప్రశ్నిస్తాడు !
వెంటనే భగవంతుడు ఒక ఓరచూపు చూసి
మనిషివి మనీషివి అయిపోతే
ఈ జగన్నాటకానికి తెరపడిపోదూ…!
అని కళ్ళతో నవ్వి కదలిపోతాడు
వాడు కాలాంతకుడు… మరి…!