అమ్మా !నీవే పంచాక్షరి ..:- సాधNa సాధన.తేరాల,ఖమ్మం.-ఎం. ఏ (ఇంగ్లీష్ ) & డి. ఎడ్.

అమ్మా!

నీవే భూమివై నాకు జన్మనిచ్చి

సహనంతో పెంచి

ఒడిలో ఉనికి నిలిపి

జీవనాధారమయ్యావు.

అమ్మా!

నీవే జలమై

నా ప్రాణాన్ని నిలిపి

నా హృదయాన్ని ఆర్ద్రo చేసి

నన్నొక శాంతిమంత్రాన్ని చేసావు.

అమ్మా!

నీవే నాలో అగ్గివై

జఠరాగ్ని రగిల్చి

చీకటి గహనాల్లో 

కాంతి దీపమై

ధైర్యపథాన్ని చూపావు.

అమ్మా!

నీవే వాయువై

నా శ్వాసలో ఆడి 

జీవనగీతాన్ని పాడి

జీవనమూలానివయ్యావు.

అమ్మా!

నీవే నింగివై

ప్రేమతో నన్నావరించి

అనంత ఔదార్యాన్ని నింపి

నా స్థితికి నిరంతర రక్షగా నిలిచావు.

అమ్మా!

నువ్వే నాకు  సర్వం.

జీవికలో గర్వం.

బతుకుమూలానికి మర్మం.

________