వందేమాతరం :- అంకాల సోమయ్య -దేవరుప్పుల -జనగామ -9640748497

భారతదేశపు బంగరు భవితకు బాటలువేయాలి

యువతరం ఉరకలెత్తాలి

వందేమాతరమనాలి

మూడు రంగుల జెండా ఎంతో మురిసి పోవాలి

నాటి అమరుల తలువాలి 

కత్తుల కొట్లాట లేని

కదనమునడపాలి

కరుణనుజూపాలి

బుద్ధుడు గాంధీ చూపిన మార్గం

బుద్ధిగ నడవాలి 

మన పెడబుద్దులు మారాలి 

నీతులు చెప్పి గోతులు తవ్వే

గుంటనక్కలను

నిలువునపాతరెయ్యాలి

వారి నిజరూపం చూపాలి

వంచన మరిగిన నయవంచకులను

గుంజకుగట్టాలే చర్నాకోలతో కొట్టాలే 

మంచిని పెంచి మమతనుపంచే మనుషులమవ్వాలి2

ఓసీ బీసీ ఎస్సీ ఎస్టీ కులం బేధం పోవాలే

ఆడమగరెండే కులములు అవనిన నుండాలి 

అవనిని మనం ఏలుతుండాలి

రంగులు మార్చే రాజకీయము

రంగులు వెలువాలి 

మార్పును కోరే పార్టీలన్నీ ముందడుగేయాలి 

ఆకలి పేగుల ఆర్తనాదాలు ఆగిపోవాలి 

బీడునేలన పచ్చని పంటలు పండించి తీరాలి 

నైతిక విలువలు లేని చదువులన్నీ నశించిపోవాలి

మంచిమమతగల్గినచదువులు విశ్వంనేలాలి

అబద్ధమాడే అడ్డగాడిదలను దూరంగుంచాలే

నిజానికి ఉన్న విలువ ఏమిటో నిరూపించాలి 

ఆహార కల్తీ చేసే దొంగల దొరకబట్టాలి 

ఆ కల్తీ సరుకుల ఆహారం వాడికే పెట్టాలి

స్మార్ట్ ఫోన్లకు బానిసలైన బాలబాలికల మార్చాలి

చదువు గొప్పతనమంతా పిల్లలకు

 చెప్పాలి

సోమరితనపు సోదిమాటలకు స్వస్తి పలకాలి 

చలాకితనముతో బ్రతకాలి 

పని సంస్కృతి నీలో పెంచి పనితనమును చూపాలి 

మన బ్రతుకులు మారాలి 

చిన్న పెద్ద తేడా మరచి కలిసే నడవాలి 

కలహాలు వీడాలి

ఐకమత్యపు రాగము మనం ఆలపించాలి

బురదన పుట్టిన తామరపువ్వుల మనం శుద్ధిగుండాలి

తప్పులులేని ముప్పులు రాని దారిన నడవాలి 

సత్యలోకంచేరాలి

నిత్యం సుఖముగ నుండాలి