జనం గుండెల ఉన్నారు: - డా.టి.రాధాకృష్ణమాచార్యులు-9849305871

పురాతనమైనా సనాతనమైనా కాలంలో 

జీవన చక్రం నడక 

ఔటాఫ్ ది బాక్స్ కాదు

 

రాకడ పోకడలో

జరామరణాలు కొత్త కాదు

వెనకా ముందు

ఇన్ బాక్స్ లో కొచ్చిన ప్రతిదీ 

ఔట్ బాక్స్ లోకి రావడమే జీవితం 

అక్కడ చెట్టున్నది 

ఆకుల చేతులతో నీడను పరుచుకొని 

కొమ్మలుగా బతికిన కావ్యం 

వృద్ధోపనిషత్ ల అలిసిన భావోద్వేగాలు   

తీగ తెగిన రాగవీణ స్వరాలు

కాలం సంకెల బిగిసింది 

గాలి తోడువీడ ప్రాణం గాలిలో

గదిలో అంతా ఖాళీ చీకటి

కిటికీ తెరిచిన లోపల శూన్యం

నిజమే,కళ్ళముందు లేరు కానీ

నీడను విస్తరించిన చెట్టు 

ఊడలై

నిన్నటిదాకా నడిచిన అడుగుల కనులు

మరిక చెట్టు వెలుగు వేళ్ళై

జనం గుండెల ఉన్నారు

==========================

(తొలితరం తెలంగాణ ప్రముఖ సర్జన్ కరీంనగర్ వైద్యశిఖామణి డా.వి.భూంరెడ్డి  92 ఏండ్ల వయసులో కన్నుమూశారు.)