పగలే వెన్నెల:- డా.టి.రాధాకృష్ణమాచార్యులు-9849305871

గేహదేహాల గాంధర్వం

కావ్యగీతికల రసమయ కాంతుల

నవ్యపోకడలల్లిన కవితారూపం

భూమ్యాకాశాల సాక్షిగా  

తెలుగు కవితాశ్వమెక్కిన కాంచన సుందర మంజుల మనోజ్ఞ సీమ

బంధప్రబందాల రమణీయ రమణి నర్తనమై ఊగే తనూలత

అక్షరం నిలువెల్లా ఆవహనం

కదిలే ఊహలకే కన్నులాయే

పగలే వెన్నెల జగమే ఊయల

కలం సినారే కన్నారే 

పొలం దున్నిన హలమే

వెలిగించే గేయకావ్యాలు

కర్పూర వసంతరాయలు నాగార్జున సాగరం 

చూసే చెవులలో కనులలో

నవ్వని పూవై నడిచీ నడిచిన

కవితాంతరంగమే విశ్వంభర తపస్వి

విశ్వ రూపమై ఎగిరిన రెక్కల కవితావిపంచి 

ప్రపంచపదుల పసుల పోశమ్మనే కదా నడిపించే

తెలుగు కవిత్వాన కసపిసదొక్కిన శాలివాహను పాదాల అలరిన సంప్రదాయాలు ప్రయోగాలు పరిశోధన గీటురాయి

గవాక్షాలు తెరిచిన అక్షరగని

నిజమే పగలే వెన్నెల చూపే

కవిత్వమే బతుకైన వచన కదంబం

అక్షరమైన ప్రభవ 

కవిత్వమై సాగె నదీ ప్రవాహం 

సాలోక్క సంపుటి లెక్క

జీవితం రాసే కమ్మకమ్మలో

కొమ్మకొమ్మకు పూసిన పూలవాసన 

నిజమే కనిపించేది 

పగలే వెన్నెల జగమే ఊయల

కదిలే ఊహలకే కన్నులాయే

మాటల రసఝరి కవిత్వ స్వరధుని 

సినారె చిరునవ్వుల ముఖం

హన్మాజీపేట అక్షర ఝరం

జ్ఞానపీఠమెక్కిన అపర సాహితీ పుత్రుడు

---------------

(ప్రముఖ కవి జ్ఞానపీఠ్ గ్రహీత డా.సినారె వర్ధంతి .- ఓ చిరు స్మృతి కవిత)