ఎప్పడైనా :- డా.టి.రాధాకృష్ణమాచార్యులు-9849305871

అనుకున్నామా 

ఎప్పుడైనా కలగంటామని

నీవూ నేనూ

అలా మైదానంలో ఆటలా కలుస్తామని 

ఆమె రాసిన కవితలా 

అందంగా 

నేను

చెట్టులా నిటారుగా వీస్తూ 

నీ కళ్ళలో  

స్నేహచిరునవ్వు బతుకు నేస్తాననీ 

ఎప్పుడైనా నిజం తెలిసేనా 

ఆకాశంలో  ఇక

నీలిమేఘాల వెన్నెల తేలి

కవిత అక్షరమాల మెరుపు ధ్వనులే కురుస్తుంది 

మనసు గీసిన కలల వాకిట

అనుకోలేదే ఎప్పుడూ 

గీత సంగీతం 

ఆ కలం నిర్జల నడక నాట్యమని

శిఖరశిరమై ఎగిరే కన్నుల

అహం సిరి చిరునామా 

ఎవరినైనా దూరం చేసే కళ

నవ్వుదాచిన తాత్పర్యమని 

ఎప్పడైనా కలగన్నామా!

లేదే!