వృత్తలేఖిని :- డా.టి.రాధాకృష్ణమాచార్యులు-9849305871

కాలం కేంద్రంగా గీసే

వృత్త పరిధిలో

జీవ క్షేత్రం బతుకు

మనిషి మనుగడ గడబిడ అంతా అక్కడే

పుట్టుక సంగీతంలో

తొలికేక శిశువు

ఆట పాటల 

ఆఖరి చరణం మృత్యువు

రెంటి నడుమ మనిషి బతుకు 

రావడం పోవడం

జనార్ణవంలో సంఖ్యగా అటూఇటూ

నడుమ నీటిబుడగ నటన

జీవితం చివరిమెట్టులో 

చిరుగాలికే కూలే సుందర రమణీయం

ఉన్ననాళ్ళలో చేసిన మేలు 

అదే పనిగా 

యాదిల పడేసే పాద ముద్రలు

నీ పనినీ ఆ ముద్రలనూ అన్వయింగల మనిషికే గుర్తులు

అనిర్వచనీయ దృశ్య శబ్దాలు 

జీవ లయ దరువు క్రియలు

జననమరణాల సంధి కాలం సంచలనం

వృత్తలేఖిని 

చేతికందే దూరంలో గీసే వృత్తంలో 

ఊగే గంటల సంచారమే ప్రాణం

శబ్దమౌనం నిశ్శబ్దరాగం కలిసే వేదిక