"కావాలి":- ---డా.పోతగాని సత్యనారాయణ

(ఒత్తులు లేని బాల గేయం-2)

వానలు కురవాలి - వాగులు పారాలి

చెరువులు నిండాలి - చేలే తడవాలి

మొలకలు లేవాలి - చివురులు తొడగాలి

పూవులు పూయాలి - పంటలు పండాలి

సాయం రావాలి - దానం చేయాలి

చదువులు సాగాలి - బతుకులు మారాలి

చిలుకలు పలకాలి - చీమలు బతకాలి

గోవులు పెరగాలి - జీవులు నిలవాలి

కలతలు తొలగాలి - కలుములు కూడాలి

మనసులు కలవాలి - మమతలు పంచాలి

ఆకలి తీరాలి - అందరు ఎదగాలి 

ఆశలు మెరవాలి - దేశం గెలవాలి