పేదవాడు!!;-డా ప్రతాప్ కౌటిళ్యా.

ఒకప్పుడు 

ఇక్కడ బావి ఉండేది!

చెరువు ఉండేది!

నది ఉండేది!!

చేపలు ఉండేవీ!!

ఇప్పుడు -అక్కడ 

బావి లేదు 

చెరువు లేదు 

నది లేదు!!

సముద్రం-బావిని చెరువును నదిని 

మింగేసింది. 

చేపలను మింగేసింది.!!?

ఒకప్పుడు ఇక్కడ 

చెట్లుండేవీ

వనం ఉండేది 

అడవి ఉండేది 

ఇప్పుడు-చెట్లను వనాన్ని అడవిని 

మహా పుణ్యం మింగేసింది!!

ఒకప్పుడు ఇక్కడ 

గూడెం ఉండేది 

పల్లె ఉండేది 

పట్నం ఉండేది 

జనం ఉండేది. 

ఇప్పుడు- గూడెం పల్లె పట్నాన్ని జనాన్ని మహానగరం మింగేసింది.!!

ఇప్పుడు 

సముద్రంలో-తిమింగలాలు ఉన్నాయి! 

మహారణ్యంలో-పులులు సింహాలు ఉన్నాయి!!

మహానగరంలో-ధనవంతులు ఉన్నారు!!

ఏమీ మారలేదు 

మారింది మహాసముద్రం 

మారింది మహారణ్యం 

మారింది మహానగరం 

మారందీ పేదవాడు మాత్రమే!!?

డా ప్రతాప్ కౌటిళ్యా.