,"చీకటి- వెలుగుల జీవితం.":- బెహరా నాగభూషణరావు .

సాహితీ కెరటాలు .

సాహితీ కవి కళా పీఠం .

=================

మామను చూపి, బుజ్జగింపులతో

అమ్మ పెట్టే  అమృతం..!

తాత చెప్పే కథలతో,

 "శశిని" అందుకోవాలనుండేది

పసిప్రాయంలో..!

ఈనాడు- జీవితమే చందమామ నాకు!

చంద్రునిది - కక్ష్యా  కమనం,

నాది -జీవన పయనం .

శశాంకుని గమనముతో- 

తిధి, వారాల చక్కబాటు.

నా కర్తవ్య దీక్షతో -

గృహ స్వర్గసీమకు తోడ్పాటు.

కృష్ణ పక్షంలో పెరిగే నేలపంకంలా,

కష్ట-నష్టాలు,నాలో తిమిరాన్ని  పెంచి, 

బాధను రగిల్చి ,కాల గమనములో

 "అనుభవాల పాఠాలు" నేర్పి ,

ఆనందపు ఫలాలనిచ్చి ,

వసంతకాల చిగురులా,

శుక్లపక్ష చంద్రికలో..

వెన్నెల్లో ఆడుకునే ఆడపిల్లలా,

వెన్నపరిచిన నేలలా,  

ప్రేమికులు  మైమరచిన వేళలా ,

అల్లంత ఎత్తున  ఎగిసి పడే 

సాగర కెరటాల్లా ,

ఇలా సాగనీ....

అనే వాంఛతో..!

నాలో ఆనందాలు మొగ్గతొడిగాయి;

జీవితమే  చందమామ అవునని..!