పల్లవి
చెట్టూ, చేమా పచ్చదనంతో
ప్రతి జీవీ క్షేమం
చెట్లు లేకుంటే వర్షం రాక కలుగుతుంది క్షామం
అనుపల్లవి
ప్రతి ఒక్కరం పది మొక్కల్ని
నాటగ అంతా మనం!
ప్రతి ఒక్క ఊరు తప్పక
అవుతుందీ హరిత వనం!
పల్లవి
చరణం 1
పాడువాయువు పీల్చుకుని
ప్రాణవాయువు అందిస్తూ
పరిసరాల పరిరక్షణ చేసే
పచ్చని చెట్లే ప్రగతికి మెట్లని !
ప్రతి ఒక జీవి మనుగడ అనేది
ప్రకృతితో ముడిపడి ఉందని
ప్రతి ఒక్కరూ ఇంటి పరిధిలో
పచ్చని మొక్కలు నాటుదాం !
అనుపల్లవి
పల్లవి
చరణం 2
పరుగున సాగుతూ వేగంగా
ప్రవహించే వర్షపు జలాలను
పుడమి లోనికి ఇంకేటట్టుగ
పచ్చని చెట్లే పని చేస్తాయని!
పుట్టినపాపకు ఊయలనుండి
పండుముసలికి ఊతంవరకు
ప్రాణం పోతే పాడెకు కాడెకు
ప్రతి మనిషికవసరం కట్టెతోనని
అనుపల్లవి
పల్లవి
addComments
కామెంట్ను పోస్ట్ చేయండి