కొంగు వొడి :- డా.టి.రాధాకృష్ణమాచార్యులు-9849305871

సృష్టికి ప్రతిసృష్టి 

మనిషి ఆవిష్కరణల మేధ 

గతి తప్పిన క్రతువులో

శ్రుతి మించిన రాగం

ప్రకృతి పరిచిన అందాలు

వొలకబోసే సోయగాలు 

వంధ్యశిల కోరిన వరం

కృత్రిమ గర్భం పంచిన ఆనందం

వికటిత కోణాల విచ్చు కత్తి 

అమ్మ కొంగులో నేను

సహజంగా ఆడిన మైదానం

కృత్రిమ జననోత్పత్తి కథాకళిలో 

మసకబారింది కళల గీతం

విలువలు తప్పిన కృత్రిమ కొంగు వొడి 

అపకీర్తి మూర్చనల తీగతెగిన వైద్యపద్యం