గ్రామ గ్రామాలలో వెలసి..! (బోనాల గీతం):-..కోరాడ నరసింహా రావు !

 పల్లవి :-
   గ్రామ గ్రామాలలో వెలసి వివిధ నామములతో పూజలందే తల్లి...
బోనాలతో నీకు ఉత్సవము జేసేము... చల్లంగ చూడు మా యమ్మ!
   మమ్ము చల్లంగ చూడు మా తల్లి..!!
    "గ్రామ గ్రామాలలో....."
చరణం :-
    పసుపు,కుంకుమలతో పూలతో,పండ్లతో భక్తితో ఘటములను నింపి...
  నీ కడకు శ్రద్ధతో వచ్చెదము తల్లి...,
  నీ పాదములచెంత నా బోనాలనుంచి...మొక్కు లను చెల్లింతుమమ్మ , నీ కృపను అర్థించి మొక్కుదుము తల్లి..!
   " గ్రామ ,గ్రామాలలో..."
చరణం  :
     ఆంధ్రలో...ఘటముల తో...సిరిమాను ఉత్సవము ఘనముగా చేతుమోయమ్మ...
  తెలం గాణమున బోనాల కోలాహలముల జాతరనే చేతురో తల్లి...!
   ఎవరేరీతి కొలిచినా ...
  నీ బిడ్డలమే అందరము కరుణించి కాపాడు మమ్మ
  మమ్ము కరుణించి కాపాడు మమ్మ !!
        ******