వాస్తవాలకి దూరమై.....:- పార్లపల్లి నాగేశ్వరమ్మ-నెల్లూరు

సాహితీ కవి కెరటాలు

\===============

అందని ద్రాక్ష పుల్లన.. అన్న తీరున ..!

చేరుకోలేని గమ్యాలు నిజంగా భారాలు.

ఆశకి వాస్తవానికి మధ్యల పెరిగితే దూరం...

చుట్టు ముడుతుందేమో నిరాశనిసృహల భారం..!

తెలుసుకోవాలి పరుదుల పరిజ్ఞానం . 

అత్యాశలు ...భేషజాలతో

 కనుమరుగు  అవుతున్న మనశ్శాంతులు..!

ఎందుకు చేస్తున్నాడో మనిషి నేల విడిచి సాములు ?

కలిగి ఉండాలి యుక్తాయుక్త విచక్షణలు.

ఏర్పర్చుకోవాలి స్పష్టమైన గమ్యాలు ..!

ఏ మార్చి సాగరాదు నీ గమనాలు.

సత్యాన్వేషణతో జ్ఞాన సమర్జన ,

అనుభవాలతో మెండైన ఆచరణ ,

నింపుకో..మానవత్వంతో దయార్ధత.

అర్థం చేసుకో సామాజిక పోకడలు .

ఎటు చూసినా కన్నీటి వ్యధల గాధలు.

పేదవాడికి దక్కని న్యాయాలు .

విస్తరించి ఉన్న అసమానతల వ్యత్యాసాలు.

పట్టణాలలో వెలుగుల భ్రమలు ......,

పల్లెటూరులో రైతు చిందించే శ్రమ జలాలు ....,

సొంత ఊరికి దూరమైన వలస బ్రతుకులు .

మనిషికి మనిషికి మధ్య పెరిగిపోయిన దూరాలు.

ఎలాగైతేనేం ..వాస్తవాలకు దూరంగా .......

అనుకరణలకు దగ్గరగా.....

 యాంత్రికంగా ...మనిషి జీవితాలు....

ఇలా...ఇలా..... మనిషి తనకు తానే ....దూరంగా.........!