అయోమయ గమనం :- డా. కె. మంజుప్రీతమ్ -మదనపల్లె

సాహితీ కవికళా పీఠం

సాహితీ కెరటాలు 

====================

ఏమీ తోచని వేళ,

ఏమీ కాదన్న వేళ,

ఒంటరై కోరే వేళ -

సుదూర తీరపు ప్రయాణం!

ఏదో ఎటువైపుకో,

తేల్చని ఈ ప్రయాణం.

గమనాలను తడుముతూ,

బంధాల బాంధవ్యాలను మరచి.

ఎందాకో, ఎక్కడికో,

తలవని పయనం

సుదూర తీరాల వైపు మళ్లింది,

జ్ఞాపకాల జంజాటంలో.

పడి లేచే కెరటమై,

సాగర దుఃఖం వెంటేసుకొని,

ఏమీ తెలియని బ్రతుకులో,

తానే నిలబడి నిస్సహాయతతో.

ఏమిటో అర్థంకాని అయోమయంగా -

సత్యాలు, అసత్యాలు,

న్యాయాలు, అన్యాయాలు -

తెలుసుకోలేక మొదలెట్టిన జీవిత ప్రయాణం.

ఇదేనో ఇంకేదో చూపాలని,

తనలో తాను మదన పడుతూనే,

వేదాల సారం కాస్తూనే,

కొవ్వొత్తి దీపంలో ఆవిరవుతూ,

సుదూర తీరాలకు చేరింది.

ఓ ప్రాణ దీపం.

ఆత్మవిశ్వాసం కోల్పోయి,

నిత్య జీవితంలో భాగమై.