మనమనసు.: -డా పివిఎల్ సుబ్బారావు విజయనగరం, 9441058797.

 అక్టోబర్ 10 ,ప్రపంచ,మానసికారోగ్యదినోత్సవంశుభాకాంక్షలు అందిస్తూ.,
1..
సృష్టిలో మనిషికే,
             ప్రత్యేకం మనసు! 
మనసు దృష్టే ఇల ,
             మానవ, తేజస్సు!
మనసు సృష్టే సకల ,
            కార్యాల ఓజస్సు!
నిత్యం ఉత్సాహం,   
         మోసుకొచ్చే ఉషస్సు!
దిగులు పడితే ,
              తొలగని తమస్సు!
2..
మనసుపై ఉంటే అదుపు !
 విశ్వాన అసలైన గెలుపు 
మనసుకు వస్తే దౌర్బల్యం! 
జీవితం క్రమేపీ శిథిలం!
మనో నిబ్బరం మహాబలం!
3..
కలికాలం సహజం,
                మనోవ్యాకులత!
 అదే శరీర ఆరోగ్య,
                     బలహీనత!
క్షణం క్షణం పెరిగే ,
                     రంపం కోత!  
శాంతి రాలిపోయే,
                 మామిడి పూత !
ప్రీతి లేని గృహాన,
                     బతుకే. రోత!
4.
మానసిక ఆరోగ్యమే,   
                     మహాభాగ్యం!
 నిత్య జీవితాన,
          యోగాయే శరణ్యం!
 ఆర్థిక దృష్టే కాక,
    ఆధ్యాత్మిక దృష్టి పుణ్యం! 
మనసు శూన్యం,
               మహోన్నత స్థితి,!
 మన వశం ఆశించే ,
                 ఓ సమతాస్థితి! 
5.
మనసే శత్రువు మిత్రుడు! 
మనసుతో స్నేహం చేయి!
అదే జీవితాన తరగని హాయి! 
మరి ప్రతిరేయి పున్నమిరేయి! 
మనసుజ్ఞానం ప్రజ్ఞానమోయి!
_________