చూడ ముచ్చటగా ఉండును:- -గద్వాల సోమన్న, ఎమ్మిగనూరు, 9966414580

మిలమిల మెరిసే తారలు

టపటప కురిసే చినుకులు

నింగి తల్లి బంధువులు

చకచక కదిలే మొయిలలు

వెన్నెల వన్నెల సొగసులు

వెన్నలాంటి మనసులు

చూడ ముచ్చటగా ఉండును

కన్నోళ్ల సత్య ప్రేమలు

కిలకిల నవ్వే పిల్లలు

తళతళలాడే మేనులు

చూడ ముచ్చటగా ఉండును

కళకళలాడే ముఖములు

చుక్కలలాంటి బాలలు

చక్కెర వోలె పలుకులు

మొక్కలాగ చూడాలి

మక్కువ కల్గి ఉండాలి