నైతిక పతనం: - ఆచార్య అయ్యలసోమయాజుల ప్రసాద్.-హైదారాబాద్

జన్మనిచ్చి తమ జీవిత మాధుర్యాన్ని 

పిల్లల ఉన్నతికై త్యాగం చేసిన

తల్లిదండ్రులను వృద్ధాప్యంలోపెట్టి సరిగా చూడక

అవస్థలు పాలు చేసే నేటి మనుషులు.

పాశ్చాత్య వ్యామోహంలో పడి

మాదక ద్రవ్యాలకు అలవాటుపడి

పబ్ ల వెంట క్లబ్ ల వెంట తిరుగుతు

అనైతిక సంఘటనలకు పాల్పడుతున్న యువత.

ధనమే జగతికి మూలమని

కన్నవారిని తోబుట్టువులను వదలి

ఆకాశానికి నిచ్చెనలు వేస్తున్న ప్రజలు.

కాదేది కవితకనర్హం అన్నట్లు విద్యా, వైద్యం, శాస్త్ర రంగాలలో కూడా

నేటి సమాజాన జరుగుతున్న అవాంఛనీయ సంఘటనలు.

ఓ మనిషీ తెలుసుకో నైతికవిలువలకు

తిలోదకాలిస్తే

నీ వినాశనానికి సోపానాలని ఏర్పర్చుకున్నట్లే

అనురాగ ఆప్యాయతలతో

నలుగురుతో కలసి

మానవజీవితాన్ని సుఖమయం చేసుకుని

ఆదర్శ జీవితాన్ని కొనసాగించు.....!!

.......................

...........................