అక్షర జల్లులు :- గుండ్లపల్లి రాజేంద్రప్రసాద్, భాగ్యనగరం.

వాన కురిస్తే - వాగులు పారతాయి

అక్షరాలు కురిస్తే - కవితలు పుడతాయి

పూలు కురిస్తే - మదులు మురుస్తాయి

ప్రేమ కురిస్తే - హృదయాలు పొంగుతాయి.

నిప్పులు కురిస్తే - మంటలు రేగుతాయి

రాళ్లు కురిస్తే - తలలు పగులుతాయి

ముత్యాలు కురిస్తే - మెడలు చుట్టుకూంటాయి

మణులు కురిస్తే - మూటలు ఇల్లుచేరుతాయి.

మాటలు కురిస్తే - తేనెచుక్కలు చల్లబడతాయి

స్వరాలు కురిస్తే - రాగసుధలు వినబడతాయి

ఓట్లు కురిస్తే - విజయభేరులు మ్రోగుతాయి

చెప్పులు కురిస్తే - చీత్కారాలు కనబడతాయి.

తిట్లు కురిస్తే - ద్వేషజ్వాలలు రగులుతాయి

డబ్బులు కురిస్తే - తన్నులాటలు జరుగుతాయి

కాంతులు కురిస్తే - అంధకారాంతము అవుతుంది

వెన్నెల కురిస్తే - మనసులకానందము చేకూరుతుంది. 

కురిస్తే - సంతోషగీతము 

కురవకపోతే - నిరాశ జనితము

అతివృష్టి - అనర్ధ దాయకము

అనావృష్టి - దుఃఖ కారకము.