ఆచార్య దేవోభవ :- రామగిరి సుజాత - తెలుగు భాషోపాధ్యాయురాలు-నిజామాబాద్.

ఆచార్య దేవోభవ అని 

అవని అంజలి ఘటించగా _

అజ్ఞాన తిమిరాలను తొలగిస్తూ _

జ్ఞాన ప్రదీపికలను ప్రసరింప చేస్తూ_

నిత్య నూతన తేజో భాషితునిగా 

విరాజిల్లుచూ _,

అపార ఙ్ఞాన సృజనలు 

వెలికితీస్తూ _

అలుపెరుగని ఆదిత్యునిగా  శ్రమిస్తూ__

అన్ని సంపదలకన్నా

జ్ఞాన సంపద మిన్నగా 

అక్షర అడుగులు నేర్పుచూ __

భావి భవితకు మార్గ నిర్దేశం చేసే మార్గదర్శిగా 

దర్శనమిస్తూ __

సంస్కారమందించి

నమస్కారమందుకునే

ఆదర్శమూర్తికి 

అవని జన అనంత అభివందనాలు!

_________________________