ఓ యువతా మేల్కో..!:- కవి రత్న-సాహిత్య ధీర-సహస్ర కవి భూషణ్-పోలయ్య కూకట్లపల్లి-అత్తాపూర్ హైదరాబాద్

సాంకేతిక సముద్రాన్ని ఈదే

యువత కలల అలల మధ్య

మునిగేను తీరం చేరే దారేలేక..!

స్మార్ట్‌ఫోన్ ఒక మన్మధ బాణం...

మనసు నిండా మానని గాయాలే ...

చిక్కితే సైబర్ నేరగాళ్ల గాలానికి

ఖాతాలన్నీ ఖాళీ కంచాలే...

ఒక నెట్ నిండా కల్తీ స్నేహాలే...

పరిమళించని ప్రేమ కుసుమాలే...

హాట్ హాట్ చాట్‌ నిండా విషపు వలలే..

ఒక లైక్ కోసం

కోల్పోకు నీ విలువను...

ఒక కామెంట్ కోసం

అమ్ముకోకు నీఆత్మను...

అశ్లీల వీడియోల వరదలో

వినోదమెక్కడ..? విజ్ఞానమెక్కడ..?

విషం చిమ్మే విషనాగుల బుసలు తప్ప

నెట్‌ ఒక బూతు బూటకం...

బంధాలు బాంధవ్యాలు ఒక నాటకం...

ఈ జీవితం ఒక పోరాటం ఆశల ఆరాటం..

స్మార్ట్‌ స్టార్స్ గా వెలిగి పోయే

ఓ యువతా..గుర్తుంచుకోండి...

డ్రగ్స్ ఒక సర్పాల సరోవరం...

కాదది హాబీ అదొక

ఊబి అదొక విషకౌగిలి...

అదొక మత్తుమందు...సేవిస్తే

మీ బ్రతుకంతా విషం చిందు...

టెక్నాలజీ టెడ్డీ బియర్ కాదు

బొమ్మలా ఆడుకునేందుకు...

అంగడి బొమ్మ కాదు

విచ్చలవిడిగా వాడుకునేందుకు...

అది  నీకు "బిగ్ బాస్" కారాదు

దానికి నీవు "బానిసవు" కారాదు

బలైపోరాదు.

నిన్ను మత్తులో ముంచాలి

నీ డ్రగ్స్ కాదు...

నీ డే డ్రీమ్స్‌ కాదు నీ స్వీట్ డ్రీమ్స్...

కావాలి నీ చైతన్యం

చీకటిని చీల్చే కిరణం... 

కావాలి నీ జ్ఞానం

తిమిరాన్ని తరిమే దీపం...

ఓ యువతా నీచేతుల్లోనే

ఉంది ఈ దేశపు బంగారు భవిత...

డ్రగ్స్ తాత్కాలిక మత్తు కాదు....అదొక మాయాజాలం అదొక శాశ్వత శిలువశిక్ష

స్వస్తిపలుకు మత్తుకు అదే నీకు శ్రీరామరక్ష