ప్రపంచంలోనే అత్యంత నిశ్శబ్ద గది :- - యామిజాల జగదీశ్

వాషింగ్టన్‌లోని మైక్రోసాఫ్ట్ రెడ్‌మండ్ క్యాంపస్సులో, "అనకోయిక్ చాంబర్" అని భావించే ఒక ప్రత్యేక గది ఉంది. దీనిని అధికారికంగా భూమిపై అత్యంత నిశ్శబ్ద ప్రదేశంగా చెప్పుకుంటారు. 
గిన్నిస్ వరల్డ్ రికార్డ్స్ ప్రకారం, ఇది 20 డెసిబెల్స్ ధ్వని స్థాయిని కలిగి ఉంది. ఇక్కడ నిజంగానే మన స్వంత హృదయ స్పందన, రక్త ప్రవాహం, కీళ్ళ కదలికలో కలిగే శబ్దాన్ని వినవచ్చునట.
మైక్రోఫోన్‌లు, స్పీకర్‌లను పూర్తి ఖచ్చితత్వంతో పరీక్షించడానికి ఈ గదిని నిర్మించారు. కానీ చాలా మందికి, లోపల ఉండటం వింతగా అనిపిస్తుంది. కొన్ని నిమిషాల తర్వాత, నిశ్శబ్దం చాలా తీవ్రంగా ఉండటంవల్ల చాలామంది సమతుల్యతను కోల్పోవడమో లేదా తల తిరుగుతున్నట్లు అనిపించడమో జరుగుతుంది. సైన్స్, ఇంద్రియ అనుభవం యొక్క ఆకర్షణీయమైన మిశ్రమమే ఈ గది ప్రత్యేకత.