పవిత్ర బంధం :- కె.కె.తాయారు

జీవం లేని భావం లో ప్రేమ పాఠాలు 

మానవత్వం లేని మనుగడలో 

మమకారాల రాగాలు, కదలిక లేని 

 అక్షరంలో కరుణ రస సాగరాలు 

అద్భుతాలు, కదలించు మది, 

నిర్మించు, అపురూప కళాఖండాలు, 

మనసును ఉల్లాసంతో నింపు, నిజమైన

మిత్రుడు కన్నా ఈ పుస్తకం మహనీయం 

అణువణువునా పండించు ఆత్మీయతా 

క్షేత్ర రాగాలు, అంతర్యుద్ధంలో, అణగదొక్కు

కల్మషాలు, జీవితానికి ఆధారం 

ధైర్యానికి ఆలంబన, మమతకు మారుపేరు..

 మనుగడే తాను. బతికించు, నవ్వించు 

 పంచు, పెంచు, జ్ఞానం, కడవరకు నిలుచు 

  సమ్మోహనాస్త్రం లా కొత్త అపురూప గంధర్వ 

  గానం లా, అందరూ మెచ్చు అక్షర విశ్వరూపం !!!