మన తొలి ప్రధాని!!:- గుర్రాల లక్ష్మారెడ్డి -సెల్.9491387977. కల్వకుర్తి నాగర్ కర్నూల్ జిల్లా తెలంగాణ.

మోతిలాల్ నెహ్రూ స్వరూప రాణి అనురాగ దంపతులు

మన పండిత నెహ్రూజీని కనిపించిన తల్లిదండ్రులు

ఓ శుభ ముహూర్తమున వారి కడుపు పండె

ఆ దంపతుల గుండెల్లోన ఆనందం నిండె  !

జవహర్లాల్ నెహ్రూజీ అలహాబాదులో జన్మించే

గాంధీజీ సలహాపై తాను సమరదళంను నిర్మించే

ఇన్నర్ టెంపుల్ కాలేజీలో *లా" కోర్సు చదివాడు

ఐర్లాండ్ షిన్ఫెయిన్ ఉద్యమంతో తాను ఎదిగాడు !

గాంధీజీ ఉద్యమస్ఫూర్తితో మేల్కొన్నాడు

స్వాతంత్ర సమరంలో స్వయంగా పాల్గొన్నాడు

విజయమో వీర స్వర్గమో అని మదిలో భావించాడు

సమర శంఖం పూరించి ఆ సమరంలో జీవించాడు !

బ్రిటిష్ పోలీసుల చేతుల్లో లాఠీ దెబ్బలు తిన్నారు

స్వాతంత్రం భారతీయుల జన్మహక్కని అన్నారు

అల్మోరా జైలులో తన జీవిత చరిత్ర వ్రాసుకున్నరు

విజయం సాధించి తొలి ప్రధానిగా బాధ్యతలు తీసుకున్నరు !

బాల బాలికలు అంటే ఆయనకు ఎంతో ప్రేమ

భారత దేశ అభివృద్ధికి పడ్డాడు  ఎంతో శ్రమ

గాంధీయవాదిగా నిలిచి గెలిచిన వాడు

గర్వంగా భారతదేశాన్ని పాలించిన రేడు !