బాలకాండము శ్రీమద్రామాయణము : - ఎడ్ల లక్ష్మి -సిద్దిపేట

సగరుడు తన ఆరువైమంది పుత్రులను పిలిచి 

ఆ అశ్వం గూర్చి వెతకమని ఆజ్ఞాపించాడు 

తండ్రి మాటలు విన్న ఆ పుత్రులు 

భూమండలమంతా తిరిగినారు 

ఎక్కడ కూడా ఆ గుర్రం జాడ తెలియలేదు 

వారు కోపగించి భూమిని లోతుగా తవ్వారు 

భూమిలో నుండి నాగుల, రాక్షసుల ధ్వనులు 

వారికి చెవులారా వినబడుచుండెను 

ఆ రాకుమారులు పర్వతాలతో నిండియున్న 

జంబుద్వీపమును వదలకుండా

లోతుగా తవ్వి సంచరించుచున్నారు 

దేవతలు గంధర్వులు భీతి చెందినారు 

నాగులు దేవతలు భయముతో 

బ్రహ్మదేవునికి మొరపెట్టుకున్నారు 

పాతాళ లోకమున ఎందరో హతులవుతున్నారు

ఓ పితామహ మమ్మల్ని ఆదుకోవయ్యా

సగర కుమారుల కంటపడిన వారిని

అశ్వము దొంగలించారని హతమారుస్తున్నారు 

ఎందరో అమాయకులు బలి అవుతున్నారు 

మీ శక్తితో కాపాడుమని మొరపెట్టుకున్నారు