క్రికెట్ ఆట – ఒక చిన్న పాఠం: - బండి సాయిశివ-8వ,తరగతి -ZPHS బక్రిచెప్యాల-9704865816.

 

ఆర్యన్, ఆనంద్ ఇద్దరు అన్నదమ్ములు.వారు ప్రతిరోజూ బడికి వెళ్లి శ్రద్ధగా చదువుకునేవారు. ఇంటికి వచ్చిన తర్వాత హోంవర్క్ పూర్తి చేసి, సాయంత్రం సమయం కాగానే దగ్గరలోని గ్రౌండ్‌కు వెళ్లి క్రికెట్ ఆడేవారు.
ఒకరోజు కూడా అలాగే ఆట మొదలైంది.ఆనంద్ బౌలింగ్ వేస్తుండగా, ఆర్యన్ ఉత్సాహంగా బ్యాట్ పట్టుకుని నిలబడ్డాడు. ఆనంద్ వేసిన బంతిని ఆర్యన్ చాలా బలంగా కొట్టాడు. బంతి వేగంగా గాల్లోకి ఎగిరింది.
"నేనే అందుకుంటాను!" అంటూ ఆనంద్ పరుగెత్తాడు. కానీ బంతి అతని చేతికి బలంగా తగిలింది.వెంటనే చేతి చర్మం చిట్లి రక్తం కారసాగింది.
అది చూసిన ఆర్యన్ చాలా భయపడ్డాడు.వెంటనే ఆనంద్ దగ్గరకు పరుగెత్తి వెళ్లి, "ఏమీ కాదు తమ్ముడు! ధైర్యంగా ఉండు" అని ఓదార్చాడు. వెంటనే అతన్ని దగ్గరలోని డాక్టర్ వద్దకు తీసుకెళ్లాడు. డాక్టర్ ప్రథమ చికిత్స చేసి, కొన్ని రోజులు జాగ్రత్తగా ఉండమని చెప్పారు.
ఇంటికి చేరుకున్న తర్వాత జరిగిన విషయం తెలుసుకున్న అమ్మ కొంచెం కోపంగాఇలా అన్నది., "బయట ఆటలు ఆడేటప్పుడు చాలా జాగ్రత్తగా ఉండాలి. ఇంట్లో కూడా క్యారం, చదరంగం, అష్టచెమ్మ, పులిమేక, కైలాసం వంటి ఎన్నో మంచి ఆటలు ఉన్నాయి కదా!" అని చెప్పింది.
అమ్మ మాటల్లోని ప్రేమను, జాగ్రత్తగా అర్థం చేసుకున్న ఆర్యన్, ఆనంద్ ఇద్దరూ కొంతకాలం ఇండోర్ గేమ్స్ ఆడుతూ ఆనందంగా గడిపారు.చదువుపై కూడా మరింత శ్రద్ధ పెట్టి మంచి ఫలితాలు సాధించారు.
నీతి:
ఆటలు ఆరోగ్యానికి మంచివే. అయితే ఏ ఆట ఆడినా జాగ్రత్తలు పాటించడం చాలా అవసరం.