నాన్న త్యాగశీలి: - -ఋష్యశృంగు ఢిల్లేశ్వరరావు (ఋష్యశ్రీ)-సారవకోట-చరవాణి: 9490904976

తండ్రి జీవన కారకుడు..

నిన్ను, నీ కుటుంబానికి పోషకుడు..

నీ వెన్నంటే ఉండి నిన్ను నడిపించేది నాన్న..

నీకన్నీ సమకూర్చేది నాన్న..

బడి, గుడి, మడి 

అన్నింటికీ తీసుకువెళ్ళేది నాన్న..

బంధాలు, అనుబంధాలు గూర్చి చెప్పేది నాన్న..

ఒరవడి రాయించేది నాన్న..

నీ నడవడి చూసేది నాన్న..

తడబడితే సరిచేసిది నాన్న..

తప్పులు చేస్తే నిన్ను

ఖండించేది, దండించేది నాన్న..

దిద్దేంచేది, సరిదిద్ధేది నాన్న..

నాన్నను ఎడం పెట్టకు..

నీ కుడి భుజం నాన్న..

నాన్న నీ దన్ను, నీ వెన్ను..

అమ్మ కన్నైతే నాన్న చూపు..

నీకు సరైన దారిచూపు..

నాన్న అడ్డు, జిడ్డు కాదు..

నావను నడిపించే నావికుడు..

ఒడ్డుకు తెచ్చే తెడ్డు లాంటోడు..

దర్శకుడు, మార్గదర్శకుడు..

మనసున్న నాన్న..

మన కోసమే నాన్న..

ముద్దు మురిపెంగా పెంచారు నాన్న..

ముచ్చట్లు చెప్పారు నాన్న..

వ్రేలు పట్టి నడిపించారు..

వేలు కట్టి చదివించారు..

ధైర్యం చెప్పారు..

స్థైర్యం ఆందించారు..

భయాన్ని పారద్రోలారు.

జయాన్ని  రుచిచూపారు..

కష్టాలు పడ్డారు..

నష్టాలు చూసారు..

ఇష్టాలు తీర్చారు..

పస్తులు ఉన్నారు..

సుస్తులు పడ్డారు..

వస్తువులు, దుస్తులు ఇచ్చారు..

ఆస్తులు, అంతస్తులు నీకై ప్రోగుచేసారు..

అవస్థలు చూసారు

అవమానాలు ఎదుర్కొన్నారు.

అగచాట్లు పడ్డారు.

కంటి నిండా నిద్రకు కరువయ్యారు..

కుటుంబానికి త్యాగశీలిగా మిగిలారు.

సర్వం నీకు, కుటుంబానికి సమకూర్చారు..

సమస్తం అర్పించారు, సమర్పించారు..

గరళకంఠునిలా బాధల్ని  దిగమ్రింగారు..

మేరునగధీరుడుగా నిలిచారు..