త్యాగానికి కేరాఫ్ అడ్రస్ నాన్న : - అంకాల సోమయ్య -దేవరుప్పుల -జనగామ -9640748497

ఇసుమంతైనా స్వార్థమెరుగని

అందరివాడు మా నాన్న 

నాన్న దయాసాగరుడు

తాను కన్న బిడ్డలు పాలిట కల్పవృక్షం 

త్యాగానికి కేరాఫ్ అడ్రస్ నాన్న 

అచంచలమైన ప్రేమాభిమానాలకు 

నిలయం మా నాన్న 

నిత్య శ్రామికుడు 

తన (మన)కుటుంబానికి వెన్నెముక

నాన్న 

తనలో బాధలఅగాధాలెన్నున్నా 

బహిర్గతపరచని

 స్థిర చిత్తడు నాన్న 

నాన్నే బిడ్డలకు తొలి కథానాయకుడు 

గురువు, స్నేహితుడు

తాను గరళం సేకరించి

అమృతాన్నిబిడ్డలకు పంచే

ఆ శివయ్యే మా నాన్నంటే