రేడియో: - వరుకోలు లక్ష్మయ్య -తెలుగు భాషోపాధ్యాయులు-జిపఉపా: బక్రిచెప్యాల-9704865816

రేడియో రేడియో 

మధురమైన రేడియో 

రాగాలు వినిపించే 

రమ్యమైన రేడియో

 

చిన్నారి హృదయాలకు 

చెలిమైనా రేడియో 

చిరునవ్వులు పంచేటి 

చక్కనైన రేడియో

వందేమాతరం తోటి 

మనలమేలుకొల్పును

భక్తి గీతాలతోటి

భక్తి మనలో నింపును

విశ్వములో జరిగేటి

వింతలన్ని జెప్పును 

దేశ విదేశ సంగతులను

విప్పిచెప్పుచుండును

పొలం పనుల విషయాలు 

రైతులకందించును 

పాడిపంటలవిషయాలు

పల్లె వాసులకు చెప్పును

జానపద గేయాలు 

బుర్రకథలు,హరికథలు 

జనులనుత్సాహపరచే

సంస్కృతినేతెలియజేయు

పద్యాలు,పాటలతో 

పామరుల మురిపించును 

విద్యార్థులకు విజ్ఞానపు

విషయాలను తెలుపును

శాస్త్రవేత్తల మాటలతో

శాస్త్రీయత ప్రసాదించు 

ఆటలు క్రీడల విషయాలు 

కళ్ళ ముందు నిలుపును

గాలి,తుఫాను,వడగండ్ల 

వార్తల ముందే చెప్పును 

పల్లెటూరిగీతాలను 

మధురంగా వినిపించును

అమ్మమ్మ కథ చెబుతుంటే 

ఆప్యాయత గుర్తొచ్చును

టీవీ ఫోన్లు వచ్చినా

తన విలువ తగ్గలేదు

మనసులను హత్తుకునే 

మాధుర్యమే మనకుపంచు!!

ఉండాలి  ప్రతిఇంట

రేడియో మనచెంత