పౌరులం !!!: - యెనుముల వేణుగోపాలరావు,-అమలాపురం,

బాలలం మేము బాలలం,

భావితరానికి పౌరులం,

పిల్లలం మేము పిడుగులం,

అల్లరి చేసే బుడుగులం !

సమయానికి బడికి వెళతాము,

గురువు గారు చెప్పిన పాఠాలు వింటాము ,

బుద్ధిగా చదువు కుంటాము ,

ఆటలు ఎన్నో ఆడుకుంటాము!

                                       " బాలలం "

సాయంత్రం ఇంటికి వస్తాము,

హోమ్ వర్కులు చేసుకుంటాము,

అమ్మకు పనిలో సాయం చేస్తాము ,

బామ్మ గారు చెప్పే కథలు వింటాము !

                                     " బాలలం"

పిల్లలం మేము చిరు దివ్వెలం ,

ఆకాశం లో ఎగిరే గువ్వలం ,

ఎగిసిపడే నిప్పు రవ్వలం,

ముసి....ముసి..ముసి...ముసి నవ్వులం !!!

బాలలం మేము బాలలం ,

భావితరానికి పౌరులం ,

పిల్లలం మేము పిడుగులం ,

అల్లరి చేసే బుడుగులం !!!

              *****