రంగులు : - వరుకోలు లక్ష్మయ్య -తెలుగు భాషోపాధ్యాయులు-ZPHS బక్రిచెప్యాల

పచ్చనిచిలుకకొమ్మలకూయగ

పలుకులు ముత్యాలైజారే

ఎర్రనిముక్కుతో అందముగ

జామపండు కొరుకు చుండెను

 

తెల్లని పావురమురెక్కలతో

శాంతి సందేశమే తెచ్చు 

మృదువైనా గువ్వల జంట 

కిలకిల రాగము వినిపించు

నల్లని కాకి అరుపులతో 

ఇంటికి వచ్చిరి బంధువులు 

కాక అంటే అన్న తమ్ముడిని

వరుస గలిపి పిలుచుచుండును.

బంతిపూలు పసుపురంగుతో

పరిమళాలువెదజల్లుచుండును

ఎర్రని గులాబీ నవ్వులతో 

ప్రేమల దీపం వెలిగిపోయెను

తెల్లని మల్లెల తోటలలో 

కమ్మని వాసనలవి వీచే

ఎర్రని మందారాలన్ని

ఆనందముగా నింగిని చూచెను

తెల్ల తామరలు నల్లని కలువలు

చక్కగా తేలెను కొలను యందున 

తేనెల గుంపులు వచ్చి 

కమ్మనిపాటలుపాడుచుండెను.

పక్షుల,పూలరంగులు 

ప్రకృతి ఇచ్చే వరమండి 

చూడగానే మనసు నిండి 

సంబురాల సుగంధమయ్యె

రంగులేయన్ని కలలతోటలై 

అలరారే ఈ వేళ యందున 

పక్షుల పూల సోయగాలతో 

పులకరించే ఈ పల్లె తల్లి.