ప్రవాస పద్య పరిమళం - 61: - - వెంకట్ కొత్తూర్ Ashburn VA USA

 అంశము: దత్తపది 
దత్తపది: వాన, వాన, వాన, వాన
విషయము: అన్యార్థములో - (వాన =  వర్షము  అనే అర్థంలో కాకుండా ఇతర అర్థము లో..) ప్రతి పాదములో, నాలుగు పాదాలలో , మొదటి పదము!
ఛందస్సు : కందము 

కందం:
వాన ర వాలజ్వాల ద
వాన ల కీలల సకలము బాసి పురమికన్ 
వాన ప్రస్థిగ దోచె, శి
వా! న గరి  కి శరణనగ నభయమిడు వరదా!
(వాన)ర  = హనుమంతుడు  ( వాల జ్వాల  = తోక తో ముట్టించిన మంట) => వర్షము కాని  వాన 
ద(వాన)ల  =  మంటలు          => వర్షము కాని  వాన 
(వాన) ప్రస్థిగ = వాన ప్రస్థము   => వర్షము కాని  వాన 
శి(వా! న) గరి - శివా - నగరి   => వర్షము కాని  వాన 
==============================================